I nominuar reagon keq
Adi i kërkon Sorit të sqarohen për një fjalë të pamenduar mirë nga ana e këtij të fundit. Sori ia kthen se mënyra se si i kishte folur Adi, i ishte dukur tendencioze dhe kjo si rezultat i kushteve në të cilat ndodhet, ku cdo gjë mund t’i duket si e tillë. Adi i thotë se tek ai e ka vënë re shpesh këtë gjë; sa herë është në nominim do t’i kundërpërgjigjet keq. Sori justifikohet se ndoshta e përjeton keq nominimin, por Adi mendon se këtë gjë të tij e ka vënë re vetëm në lidhje me të e jo me banorët e tjerë. Ai e këshillon se nëse dicka nuk shkon mirë mes tyre, t’ia thotë. Sori i përgjigjet se kur të tjerët janë në nominim, ai nuk ngacmon asnjë, ndërsa kur është vetë në nominim, të tjerët, duke përfshirë dhe Adin, janë në favor për t’i bërë atij pyetje dhe ngacmime. Ai mendon se ky motiv mund të jetë ai që ndonjëherë reagon keq ndaj tij apo të tjerëve. Adi i thotë se nuk e ka ngacmuar asnjëherë me ndonjë qëllim dhe se gjithmonë këto lloj bisedash kanë qënë reciproke. Sori ia kthen se po sillet me të si me të tjerët dhe sipas tij, cdo gjë është në rregull.
Burimi: Top Channel
