Kapet lende narkotike ne mjediset e burgut te te miturve
Një qese me drogë është gjendur në mjediset e Institucionit të Edukimit të Veprave Penale në lagjen 17 të Durrësit. Lajmi u bë i ditur për gazetën nga burime policore, që thanë se qesja e vogël ishte mbështjellë me izolant. Pasi e kanë çmbështjellë atë, ata kanë konstatuar një qese farmaceutike transparente ku brenda saj gjendet një masë bimore me ngjyrë jeshile me kërcej dhe gjethe që për nga karakteristikat ngjan me lëndën narkotike “Cannabis sattiva”. Sasia e gjetur ka një peshë prej 1.8 gramë dhe ajo u sekuestrua në cilësinë e provës materiale dhe është dërguar në Institutin e Policisë Shkencore në Tirane për të bërë klasifikimin e saj. Brenda një harku kohor të shkurtër, kjo është hera e tretë që brenda territorit të paraburgimit gjendet sasi lëndë narkotike. Po punohet për zbulimin dhe identifikimin e autorëve të kësaj ngjarje.
Burimi: Gazeta Albania
